BREAKING NEWS

Ads

உலகம்

Thursday, 22 May 2014

வைகோ நாணயமானவர், நேர்மையானவர்; ஆனால் விஜயகாந்தை அப்படி கறைப்படியாதவராக கூறமுடியாது- தமிழருவி மணியன்

பாஜக கூட்டணியில் தமிழக முதல்வர் வேட்பாளருக்கு வைகோ தான் தகுதியானவர். விஜயகாந்த் கறைபடியாதவர் என்று என்னால் சொல்ல முடியாது என்று காந்திய மக்கள் கட்சித் தலைவர் தமிழருவி மணியன் கூறியுள்ளார். இது குறித்து, செய்தித்தாள் ஒன்றிற்கு பேட்டியளித்த போது அவர் கூறியதாவது, "தமிழக மக்கள் பலன் பெற வேண்டுமென்றால், பாஜக கூட்டணி முதல்வர் வேட்பாளராக வைகோவையே அறிவிக்க வேண்டும். அவரது ஒழுக்கம், நேர்மை, நாணயத்தை யாரும் குறை சொல்ல முடியாது. அப்படிப்பட்ட கறைப்படியாதவராக, களங்க மற்றவராக விஜயகாந்தைக் கூற முடியாது. " என்று கூறினார்.

 மோடி பிரதமர் பதவி ஏற்பு நிகழ்ச்சியில் பங்கேற்க, இலங்கை அதிபர் ராஜபக்சே பங்கேற்பது குறித்து பேசிய மணியன், ‘‘ரத்தக்கறை படிந்த ராஜபக்‌சேவுக்கு பாஜக அரசு அப்படியொரு ரத்தினக்கம்பளம் விரிப்பதை ஒருபோதும் ஏற்க மாட்டோம். எங்கள் எதிர்ப்பை கடுமையாக வெளிப்படுத்துவோம். மோடி மற்றும் ராஜ்நாத் சிங்குடன் ஏற்கனவே இதுகுறித்து பேசியுள்ளோம். " என்று கூறினார்.

ராஜபக்‌சேவின் நண்பர் சுஷ்மா சுவராஜுக்கு வெளியுறவுத்துறை அமைச்சர் பதவி கிடைத்தால், வைகோவின் லட்சியமான தமிழீழம் கிடைக்குமா என கேட்டபோது, ‘‘எந்த அரசு வந்தாலும், இலங்கையை பகைத்துக் கொள்ள மாட்டார்கள். தமிழீழம் பெற்றுத் தர மாட்டார்கள். ஆனால், இலங்கை இன அழிப்புக்கு எதிராக தண்டனை அளிக்கும் பொது வாக்கெடுப்புக்கு, காங்கிரஸைப் போல் பாஜக அரசு, இலங்கைக்கு துணை நிற்காது’’ என்று மணியன் பதிலளித்தார்.


Post a Comment

Comments disabled, Please use Facebook comment box

Note: only a member of this blog may post a comment.

 
Copyright © 2014 சற்றுமுன் செய்திகள்
Powered by:Purple Rain Media