BREAKING NEWS

Ads

உலகம்

Wednesday, 18 June 2014

குருபெயர்ச்சியில் குஷ்பு பெயர்ச்சி? தங்கர் பச்சானில் இருந்து துர்கா ஸ்டாலின் வரை நடந்த குழிபறிப்புகள்

குருபெயர்ச்சியில் குஷ்பு பெயர்ச்சி? தங்கர் பச்சானில் இருந்து துர்கா ஸ்டாலின் வரை நடந்த குழிபறிப்புகள்

திமுகவில் குஷ்பு ஏன் சேர்ந்தார், ஏன் விலகினார், என்பது பற்றி எதுவுமே புரியாமல் உள்ளார்கள் திமுகவின் அடிமட்டத்தொண்டர்கள், ஆனால் அவர் ஏன் சேர்ந்தார், ஏன் விலகினார் என்று ஆய்ந்தோமென்றால் உள்ளே ஆயிரத்தெட்டு சிக்கல்கள்.

சில ஆண்டுகளுக்கு முன் கற்பு பற்றி கன்னாபின்னாவென்று ஒரு கருத்தை அதிலும் தமிழ்பெண்களின் கற்பை  கேள்விகேட்கும் விதமாக ஒரு கருத்தை இந்தியாடுடேவில் உளறிவைத்தார் குஷ்பு, இதை கண்டித்து பாமகவும் விடுதலை சிறுத்தைகள் கட்சியும் குஷ்புவை கடுமையாக விமர்சித்து கடும் போராட்டத்தில் இற‌ங்கினார்கள்.

ஊர் ஊராக வழக்கு போட்டு குஷ்புவை பல ஊர்களில் உள்ள கோர்ட்டுகளுக்கு அலைய வைத்தார்கள், கோர்ட்டுக்கு குஷ்பு வரும் போது பெண்களும் ஆண்களுமாக கூட்டமாக சேர்ந்து கோஷம் எழுப்பி எதிர்ப்பு தெரிவித்தார்கள். இதன் பின் தமிழகத்தின் முற்போக்கு சிந்தனையாளர்கள் என்று ஒரு சிலர் கருத்து சுதந்திரம் என்று குஷ்புவுக்கு ஆதரவு தெரிவிக்க ஆரம்பித்தார்கள், இதை குஷ்புவின் அரசியல் ஆரம்பம் எனலாம், ஆனால் பாமகவும் விடுதலை சிறுத்தைகளும் குஷ்புவினை கடுமையாக எதிர்க்க காரணம் என்ன என்றால் அதன் பின்னணியில் வேறு ஒரு கதை உள்ளது.

தங்கர் பச்சானின் திமிர் பேச்சு.

தங்கர் பச்சான் சிதம்பரத்தில் ஒரு அப்பாசாமி என்ற ஒரு படத்தை இயக்கி நடித்துக்கொண்டிருந்தார், அதில் கதாநாயகியாக நடித்தவர் பத்மப்பிரியா என்ற மலையாள நடிகை, அவருடைய பெர்சனல் மேக்கப் உமனுக்கு பேட்டா தரவில்லை என்று ஒரு நாள் படப்பிடிப்பில் தகராறு செய்து கேன்சல் செய்துள்ளார், இதையடுத்து கடுப்பான தங்கர் பச்சான் ஒரு விழாவில்  பணத்துக்காக நடிக்கும் நடிகைகள் விபச்சாரிகளுக்கு இணையானவர்கள் என்று வாய்கொழுப்புடன் பேச இதை தொடர்ந்து தங்கர்பச்சானுக்கு எதிராக நடிகர் சங்கத்தினர் கடும் எதிர்ப்பு தெரிவித்தனர், தங்கர்பச்சான் நடிகர் சங்கத்திற்கு வந்து மன்னிப்பு கேட்க வேண்டும் என்று கடும் நெருக்கடி தரப்பட்டது, தங்கர் பச்சானும் நடிகர் சங்கத்திற்கு சென்று மன்னிப்பு கேட்டார், தங்கர் பச்சான் நடிகர் சங்கத்திற்கு சென்று மன்னிப்பு கேட்ட அன்று நடிகைகள்  தங்கர் பச்சானை மிகக்கேவலமாக அர்சித்தனர், அதிலும் குஷ்பு, ஸ்ரீப்ரியா ஆகியோர் அன்று தங்கர் பச்சானை மிக மோசமாக நடத்தினர், நடிகர்கள் விஜயக்குமாரும், நகைச்சுவை நடிகர் வடிவேலுவும் தங்கருக்கு எதிராக வாய்துடுக்காக பேசினர், தங்கர் பச்சானி தீவிரமான தமிழ் ஆதரவாளர் மேலும் பாமக, விடுதலை சிறுத்தைகள் கட்சி மேலிடத்துடன் நெருக்கமாக இருந்தவர் என்பதால் அன்றே குஷ்புவுக்கு குறிவைக்கப்பட்டது.

இதன் பின் இந்தியா டுடேவில் கற்பு குறித்து குஷ்பு உளர ஊர் ஊராக அலையவிடப்பட்டார், இந்த நெருக்கடிகளுக்கு பின் தனக்கு ஒரு அரசியல் பின்புலம் வேண்டும் என்று தீவிரமாக யோசித்தார் குஷ்பு, அதற்கு முன்பு ஜெயாடிவியில் ஜாக்பாட் நிகழ்ச்சி செய்து கொண்டிருந்ததால் அதிமுகவில் இணையலாம் என்று தீவிரமாக முயன்று கொண்டிருந்தார், மேலும் 2011 சட்டமன்ற தேர்தலில் ஆயிரம் விளக்கு தொகுதியில் மு.க.ஸ்டாலின் நிற்பார், அவரை எதிர்த்து குஷ்புவை நிறுத்தலாம், குஷ்பு முஸ்லீம் என்பதால் ஆயிரம் விளக்கு தொகுதியில் கணிசமாக உள்ள முஸ்லீம்கள் அவருக்கு ஆதரவளிப்பார்கள் என்பது வரை பேச்சுவார்த்தை நடைபெற்ற நிலையில் சசிகலா குழு இதற்கு தடை போட காங்கிரஸ் பக்கம் சாய இருந்தார் குஷ்பு.

குஷ்புவை திமுகவில் சேர்த்த ஒட்டு கேட்பு ஸ்பெசலிஸ்ட் ஜாபர் சேட்

பெரியார் படத்தில் மணியம்மையாக நடிக்க குஷ்புவுக்கு சிலர் எதிர்ப்பு தெரிவித்த போது ஆட்சியில் இருந்த திமுக தலைமையின் ஆதரவினால் எதிர்ப்புகள் காணாமல் போயின‌

காங்கிரஸ் கட்சியில் சேர நாளெல்லாம் குறித்து தயாராக‌ இருந்த குஷ்புவை டெலிபோன் ஒட்டு கேட்பு ஸ்பெசலிஸ்ட் ஜாபர் சேட் குஷ்புவின் முடிவை திமுக தலைமைக்கு கொண்டு செல்ல உடனடியாக குஷ்புவுக்கு திமுக தலைவர் கருணாநிதியிடமிருந்து குஷ்புவுக்கு அழைப்பு வந்தது, எம்.எல்.ஏ சீட் என்ற வாக்குறுதியுடன் திமுகவில் இணைந்த குஷ்பு எந்நேரத்தில் வேண்டுமானாலும் கோபாலபுரம் சென்று தலைவரை பார்க்கும் வல்லமையுடன் வலம் வந்தார், ஸ்டாலினை எதிர்த்து ஆயிரம் விளக்கு தொகுதியில் நிற்க அதிமுகவுடன் பேசியிருந்ததால் கடுப்பில் இருந்த ஸ்டாலின் குஷ்புவின் வரவை ஆதரிக்கவில்லை, ஸ்டாலின் மட்டுமின்றி கனிமொழியும், மாறனும் கூட‌ ஆதரிக்கவில்லை. எனவே குஷ்புவுக்கு எம்.எல்.ஏ சீட்டும் அளிக்கப்படவில்லை. துர்கா ஸ்டாலின் உட்பட கருணாநிதி குடும்பத்து பெண்களுக்கு யாருக்கும் குஷ்புவை பிடிக்கவில்லை, அவரை வெளியேற்றுவதிலேயே குறியாக இருந்தனர்.

பிறந்த நாளில் நடந்த அவமானம்

சென்ற ஆண்டு திமுக தலைவர் கருணாநிதியின் பிறந்த நாளின் போது குஷ்பு கோபாலபுரம் சென்று கருணாநிதிக்கு வாழ்த்து தெரிவிக்க முயன்றார், ஆனால் கருணாநிதி குடும்பத்தினர் குஷ்புவை அனுமதிக்கவில்லை, மேலும் கருணாநிதி குடும்பத்தினர் ஒருவர் கட்சிக்காரங்க எல்லாம் அறிவாலயத்துக்கு வர வேண்டியது தானே இங்கே வந்து ஏன் தொல்லை தருகின்றார்கள் என்று குஷ்புவை பார்த்து முகத்தில் அடித்தது போல பேச வெளியில் வந்த குஷ்பு தெருவிலே டென்ஷனாக யாரிடமோ தொலைபேசிக்கொண்டு முன்னும் பின்னும் நடந்து கொண்டிருந்தார், சிறிது நேரம் கழித்து அனுமதி கிடைத்து கருணாநிதியை பார்த்து வாழ்த்து தெரிவித்து விட்டு வந்தார்.


மு.க.ஸ்டாலின் ஆதரவாளர்களால் திருச்சியில் நடந்த தாக்குதல்

அழகிரி ஸ்டாலின் பிரச்சினை தீவிரமாக வெடித்துக்கொண்டிருந்த போது ஸ்டாலின் தலைமை பதவிக்கு வருவாரா என்பது குறித்து ஒரு பத்திரிக்கை கேள்வி கேட்க அதற்கு ஸ்டாலினை விமர்சிப்பது போல பதில் சொல்லி இருந்தார், அதை அறிந்த ஸ்டாலின் ஆதரவாளர்கள் வெகுண்டு சென்னையில் உள்ள குஷ்புவின் வீட்டை தாக்கினார்கள், அப்போது கட்சிக்காரர் ஒருவரின் திருமணத்தில் கலந்து கொள்ள திருச்சியில் ஹோட்டலில் இருந்த குஷ்புவின் மீது செருப்பு வீசப்பட்டது மேலும் அவர் மீது ஸ்டாலின் ஆதரவாளர்கள் தாக்குதல் நடத்தினர்.

இதை அடுத்து மெளனமான குஷ்பு அழகிரி கட்சியிலிருந்து நீக்கப்பட்டவுடன் உடைந்து போனார், பாராளுமன்ற தேர்தலில் திமுகவின் படுதோல்வியும் இனி திமுகவில் ஸ்டாலின் தான் அடுத்த தலைவர் என்பது உறுதியாகிவிட்ட நிலையில் இனியும் திமுகவில் இருப்பது எந்த விதத்திலும் தமக்கு லாபமில்லை என்பதை அறிந்து இதோ வெளியேறி விட்டார்.

ஒருவழிப்பாதை

காலம் காலமாக கட்சிக்கு உழைத்து உழைத்து தேய்ந்து போன தொண்டர்களுக்கெல்லாம் கிடைக்காத சிறப்புகள் குஷ்புவுக்கு கிடைத்தன, கட்சியின் எல்லா மேடைகளிலும் முக்கிய‌ இடம் கிடைத்தது, திருச்சி மாநாட்டில் பேச மைக் கிடைத்தது, எப்போது வேண்டுமானாலும் திமுக தலைவரின் வீட்டிற்கு சென்று அவரை பார்க்கும் வாய்ப்பு கிடைத்தது, இவ்வளவு இருந்தும் குஷ்பு தனது அறிக்கையில் திமுகவில் என் உழைப்பெல்லாம் ஒரு வழிப்பாதையாக தான் இருந்துள்ளது என்று கூறி உள்ளார்.

அடுத்து அதிமுகவா?

தான் வேறு எந்த கட்சியிலும் சேரப்போவதில்லை என்று குஷ்பு கூறி வந்தாலும் குஷ்பு அதிமுகவில் சேருவதற்கான முயற்சிகளை எடுத்துள்ளார் என்றே தகவல்கள் வெளியாகியுள்ளன‌

குஷ்பு கட்சியை விட்டு சென்றதில் யாருக்கு மகிழ்ச்சியோ இல்லையோ திமுக தொண்டர்கள் மகிழ்ச்சியாகவே உள்ளார்கள்.


Post a Comment

Comments disabled, Please use Facebook comment box

Note: only a member of this blog may post a comment.

 
Copyright © 2014 சற்றுமுன் செய்திகள்
Powered by:Purple Rain Media