BREAKING NEWS

Ads

உலகம்

Saturday, 26 July 2014

ரேஸ் நடத்துகிறேன் என்ற பெயரில் நடக்கும் விபரீதங்கள் !! சென்னையில் மாணவன் ஒருவன் பலி !!



இன்று அதிகாலை 6 மணி அளவில் மூன்று பைக்குகளில் 6 மாணவர்கள் கொளத்தூரில் இருந்து அண்ணா சதுக்கம் நோக்கி பைக்கில் ரேஸ் சென்றுள்ளனர் . வருகிற வழி எங்கும் ஹார்ன் அடித்துக் கொண்டு பைக்கை தாறுமாறாக ஓட்டி வந்தனர் . அதிவேகத்தில் வந்ததால் வண்டியைக் கட்டுப்படுத்த முடியாமல் வண்டி ஓட்டி வந்த 17 வயது கார்த்திக் சென்னை பல்கலைக்கழக சுவற்றில் நிலை தடுமாறி மோதினார் . அதி வேகமாக மோதியதால் சம்பவ இடத்திலேயே கார்த்திக் பலியானார் . அவர் பின்னாடி அமர்ந்திருந்த லோகநாதன் படுகாயம் அடைந்தார் . விபத்து நடந்ததால் பின்னே வந்த அனைவரும் தப்பித்து ஓடிவிட்டனர் .

பின்னர் வந்து காவல்துறையினர் விசாரித்ததில் ரேஸ் செய்த அனைவரும் கொளத்துர் ரெட்டேரியைச் சார்ந்தவர்கள் என்பதை கண்டறிந்தனர் . உயிரிழந்த கார்த்திக் இன்னும் 18 வயது ஆகாத மாணவன் . அந்த பைக்கை வாங்குவதற்காக மூன்று நாட்கள் சாப்பிடாமல் அடம் பிடித்து பெற்றோரிடம் வாங்கியுள்ளான் . மேலும் கார்த்திக் நாளை தன்னுடைய பிறந்த நாளை கொண்டாட காத்து இருந்தார் . ஆனால் பரிதாபமாக தன்னுடைய உயிரை பறிகொடுத்துள்ளார் .

இது போன்ற அனுமதி பெறாத ரேஸ்கள் சென்னை பீச் ரோட்டிலும் , கிழக்கு கடற்கு சாலையிலும் அடிக்கடி நடைபெறுகிறது . இந்த போட்டிகளில் அனைவரும் பெட் வைத்து விளையாடுவார்கள் . இள இரத்தம் இது போன்ற உயிரை பணயம் வைத்து விளையாடும் விளையாட்டுகளில் விளையாட தயாரக இருப்பதால் அநேக போட்டியாளர்கள் பங்கேற்கின்றனர் . இவர்கள் தகுந்த பயிற்சி மட்டும் பாதுகாப்பு இல்லாமல் போட்டியில் பங்கேற்பதால் இது போன்ற ரேஸ்கள் விபத்தில் முடிகிறது .


Post a Comment

Comments disabled, Please use Facebook comment box

Note: only a member of this blog may post a comment.

 
Copyright © 2014 சற்றுமுன் செய்திகள்
Powered by:Purple Rain Media