BREAKING NEWS

Ads

உலகம்

Monday, 28 July 2014

தமிழகத்திற்கு பெருமை சேர்த்த சதீஷ் குமார் !! இவரை மனதார பாரட்ட வேண்டாமா ??



இஷாந்த் சர்மாவுக்கு கால் வலி என்றால் தலை போகும் அளவுக்கு வருத்தப்படவும் , சச்சினை தெரியாது என்று சொன்னதற்கு பொங்கி எழவும் தயாரான நாம் , தனது முதல் காமன்வெல்த் போட்டியிலேயே அமர்க்களப்படுத்தி , தங்கம் வென்ற நமது வேலூரைச் சேர்ந்த சதீஷ் குமார் சிவலிங்கத்தை நாம் பாராட்டாமல் யார் பாராட்டுவது .



வேலூரைச் சேர்ந்த சிவலிங்கம் மற்றும் தாயார் தெய்வானை அவர்களுக்குப் பிறந்தவர் தான் தங்க மகன் சதீஷ் குமார் சிவலிங்கம் . இவரது தந்தை சிவலிங்கம் முன்னாள் ராணுவ அதிகாரி . சிவலிங்கமும் ஒரு பளுதுக்கும் வீரர் தான் . தந்தைக்கு தப்பாமல் பிறந்த சதீஷ் குமார் அவரது தந்தை போல ஆக வேண்டும் என்று ஆசைக் கொண்டு அதற்கான பயிற்சிகளை மேற்கொண்டார் . பளுதூக்குதலில் அவரது திறமையைக் கண்ட நிர்வாகிகள் அவரை தமிழ்நாடு விளையாட்டு மேம்பாட்டு ஆணையத்தில் பயிற்சிக்கு சேர்த்தனர் .

அங்கே தனது திறமையை மெருகேற்றிய சதீஷ் குமார் , தேசிய அளவிலான போட்டிகளில் பங்கேற்று பல பதக்கங்களை குவித்தார் . இதனால் அவருக்கு இந்தியாவிற்காக வெளிநாடுகளில் பங்கேற்கும் வாய்ப்பு கிடைத்தது . தன்னை தேர்வு செய்தவர்களின் தேர்வை ஏமாற்றாமல் பங்கேற்ற போட்டிகளில் அசத்தினார் . 2012 மற்றும் 2013 ஆம் ஆண்டு நடந்த பளுதூக்கும் போட்டியில் தங்கம் வென்றார் .

இப்போது நடந்த காமன்வெல்த் போட்டியில் 77 கிலோ பளுதூக்கும் பிரிவில் 149 கிலோ எடைதூக்கி சாதனை புரிந்துள்ளார் . இதனால் இவருக்கு வாழ்த்துக்கள் குவிந்த வண்ணம் உள்ளது .

இது குறித்து பெருமைமிக்க அவர் அம்மா கூறுகையில் , " காமன்வெல்த்தில் தங்கம் வென்றது பெருமையாக உள்ளது . மேலும் ஒலிம்பிக் போட்டியில் கலந்து கொண்டு இந்தியாவுக்கு பெருமை சேர்க்க வேண்டும் " என்றார் .




Post a Comment

Comments disabled, Please use Facebook comment box

Note: only a member of this blog may post a comment.

 
Copyright © 2014 சற்றுமுன் செய்திகள்
Powered by:Purple Rain Media