BREAKING NEWS

Ads

உலகம்

Saturday, 2 August 2014

ஆண்டர்சன் மீது தப்பு இல்லையாம் - ஐ.சி.சி தீர்ப்பு !! இது தான் உங்க நியாயமா ?? என்ன நடந்தது ??



முதலில் ஒரு சிறு கதையை பார்த்து விடலாம் !!

பள்ளியில் ஒரு முறை ஆசிரியரின் பிரியமான பையன் ஒரு சாதாரண பையனை கண்டப்படி திட்டி விடுகிறான் . அந்த பையனும் பதிலுக்கு திட்டுகிறான் . இதனால் கோபம் அடைந்த அந்த பிரியமான பையன் அவனி சட்டைக் காலரை பிடித்தான் . ஆனால் அந்த பையன் அமைதியாக இருந்தான் . ஆசிரியர் உடனே வந்து இருவரையும் விலக்கி விட்டார் . அந்த சாதாரண பையனை ஒரு நாளுக்கு சஸ்பென்ட் செய்தார் . அவன் தன் பக்கம் உள்ள நியாயத்தை எடுத்துரைத்தான் . ஆசிரியர் அதை ஏற்றுக் கொள்ளவில்லை . மற்ற மாணவர்களும் அந்த ஆசிரியருக்கு பிரியமான மாணவன் மீது தான் தவறு உள்ளதாக தெரிவித்தனர் . நாள் ஆக ஆக அந்த சாதாரண மாணவனுக்கு ஆதரவாக பல குரல்கள் வந்தது . இதனால் ஆசிரியர் வேறு வழியில்லாமல் தனது பிரியமான மாணவருக்கு மிகப் பெரிய தண்டனை காத்து இருப்பதாக அறிவித்தார் . மேலும் இருவருக்குமான தண்டனை அடுத்த வாரம் அறிவிப்பதாக அறிவித்தார் . ஒரு வாரம் கழித்து இருவரும் குற்றம் செய்யவில்லை எனவே இருவருக்கும் தண்டனை கிடையாது என அறிவித்தார் . அந்த சாதாரண பையன் மிகவும் வருந்தினான் . ஆனால் மற்ற மாணவர்கள் இருவருக்கும் தண்டனை கிடைக்கவில்லை , ஏன் கவலைப் பட வேண்டும் என்று கேட்டனர் அவனிடம் .

இது தான் நடந்தது ஜடேஜா - ஆண்டர்சன் விவகாரத்தில் . அந்த சாதாரண பையன் ஜடேஜா , ஆசிரியருக்குப் பிடித்த பையன் - ஆண்டர்சன் , அந்த ஆசிரியர் - ஐ.சி.சி .  நியாயம் கிடைக்கவில்லை என்று நாம் கவலைப்பட்டால் இருவருக்கும் தண்டனை கிடைக்கவில்லையே , பின்னர் ஏன் கவலைப்பட வேண்டும் என்று கேட்பர் .

உண்மையில் ஜடேஜாவிற்கு சிறு தண்டனையும் , ஆண்டர்சனிக்கு கடுமையான தண்டனையும் அளித்து இருக்க வேண்டும் .

குற்றவாளி தப்பிப்பதற்காக குற்றமே நடக்கவில்லை என்று கூறுவது எந்த விதத்தில் நியாயம் ஆகும் ???


Post a Comment

Comments disabled, Please use Facebook comment box

Note: only a member of this blog may post a comment.

 
Copyright © 2014 சற்றுமுன் செய்திகள்
Powered by:Purple Rain Media