BREAKING NEWS

Ads

உலகம்

Saturday, 23 August 2014

மாணவர்களை கத்தியால் குத்த ஓட ஓட விரட்டிய சம்பவம் ; சென்னையில் பரபரப்பு !!



சென்னையில் மாநிலக் கல்லூரி மாணவர்களுக்கும் , நந்தனம் கலைக் கல்லூரி மாணவர்களுக்கும் சண்டை ஏற்பட்டு , சண்டை பெரிதாகி மாணவர்கள் கத்தியால் குத்த ஓட ஓட விரட்டிய சம்பவம் சென்னையில் பரபரப்பை ஏற்படுத்தியுள்ளது .

கல்லூரி மாணவர்களிடையே ஏற்படும் சண்டை நாளுக்கு நாள் அதிகரித்து கொண்டு தான் இருக்கிறது . இந்நிலையில் வெள்ளிக்கிழமை பிற்பகல் ஒரு மணி அளவில் மாநிலக் கல்லூரி மாணவர்களுக்கும் , நந்தனம் கலைக் கல்லூரி மாணவர்களுக்கும் , அண்ணாசாலை கேசினோ தியேட்டர் அருகில் பிளாக்கர்ஸ் ரோடு சந்திப்பில் கடும் வாக்குவாதம் ஏற்பட்டது .வாக்கு வாதம் பெரிதாகி , இரு தரப்பினருக்கும் கைகலப்பு ஏற்பட்டது .

இதனையறிந்த போலிசார் சம்பவ இடத்துக்கு விரைந்தனர் . ஆனால் சண்டை பெரிதாகி , நந்தனம் கலைக் கல்லூரியைச் சேர்ந்த 7 மாணவர்கள் கையில் கத்தியுடன் மாநிலக் கல்லூரி மாணவர்களை துரத்தினர் . இந்த சம்பவம் அண்ணாசாலை ரோட்டில் நடந்ததால் பொது மக்கள்  பீதி அடைந்தனர் .

ஆனால் துணிந்து செயல்பட்ட காவல் துறையினர் , மாணவர்கள் மேலும் அசாம்பாவிதத்தில் ஈடுபடாமல் இருக்க அவர்களை துரத்திச் சென்றனர் . இதனால் மாணவர்கள் கலைந்து தப்பி ஓடினர் . ஆனால் காவல்துறையினர் ஒரு மாணவரை பிடித்துச் சென்றனர் . பார்த்தசாரதி என்ற அவரிடம் இருந்து 2 அடி நீள கத்தியை பறிமுதல் செய்தனர் .

அவரின் மற்ற 6 நண்பர்களை தேடும் பணியில் போலிசார் ஈடுபட்டுள்ளனர் .


Post a Comment

Comments disabled, Please use Facebook comment box

Note: only a member of this blog may post a comment.

 
Copyright © 2014 சற்றுமுன் செய்திகள்
Powered by:Purple Rain Media