BREAKING NEWS

Ads

உலகம்

Sunday, 21 September 2014

ஆவின் பாலில் கலப்படம், தினமும் 1.5 லட்சம் லிட்டர் பால் திருட்டு , அதிமுக பிரமுகர் கைது - அதிர்ச்சி தரும் தகவல்கள்




விழுப்புரம், வேலூர், திருவண் ணாமலை உள்ளிட்ட மாவட்டங் களில் இருந்து சென்னைக்கு வரும் ஆவின் டேங்கர் லாரிகளை திண்டிவனம் அருகே நிறுத்தி, பால் திருடியது அண்மையில் கண்டுபிடிக்கப்பட்டது. பால் திருடப்பட்டது யாருக்கும் தெரியாமல் இருக்க அதே அளவுக்கு பாலில் தண்ணீரை கலந்து விடுகிறார்கள். இந்த வேலையை செய்ததற்காக போலீஸார் 5 பேரை கைது செய்து உள்ளார்கள்.  பாலில் அதிகமாக தண்ணீர் கலக்க கூடாது,

 அதனை தடுப்பதற்கு பாலில் தண்ணீர் தரம் சரியாக உள்ளது என்று ஆவின் ஊழியர்கள் ஒரு சான்றிதழ் அளிக்க வேண்டும். அவர்கள் பொய்யான சான்றிதழ் அளித்ததன் மூலம் அவர்களுக்கும் இதில் சம்மந்தம் உள்ளது என்பது தெரியவந்துள்ளது. எனவே அவர்கள் 3 பேர் சஸ்பென்ட் செய்ய பட்டுள்ளார்கள். ஒரு டேங்கர் லாரியில் இருந்து 1500 முதல் 2000 லிட்டர் வரை பால் திருடி உள்ளார்கள். இந்த வழியாக செல்லும் 83 லாரிகளீல் இந்த வேலையை செய்து உள்ளார்கள். இதன் மூலம் அவர்களுக்கு தினமும் சுமார் 1.5 லட்சம் லிட்டர் வரை பால் இலவசமாக கிடைத்துள்ளது. இதனை தனியாருக்கு விற்று அதன் மூலம் பணம் சம்பாதித்து வந்துள்ளார்கள்.

இந்த வழக்கில் முக்கிய குற்றவாளியாக சென்னையை சேர்ந்த வைத்தியநாதன் என்பவர் சேர்க்கப்பட்டுள்ளார். அவரை போலீஸார் கைது செய்து நீதிமன்றத்தில் ஆஜர்படுத்தினர். அவரை அக்டோபர் 1 வரை சிறையில் அடைத்து விசாரணை செய்ய நீதிமன்றம் அனுமதி அளித்துள்ளது. அவரது வீட்டில் சோதனை செய்ததில் பல முக்கிய ஆவணங்கள் கிடைத்துள்ளது.

வைத்தியநாதன் ஆவின் நிறுவனத்தில் சில்லரை விற்பனையாளராக தனது பணியை தொடங்கி பல பிரிவுகளில் வேலை செய்துள்ளனர். இவரை விசாரிப்பதன் மூலம் பல திடுக்கிடும் தகவல்கள் வெளீவரும் என எதிர்ப்பார்க்கப்படுகிறது. இவர் அதிமுகவில்  தென் சென்னை தெற்கு மாவட்ட ஜெயலலிதா பேரவை இணைச் செயலாளராகவும் இருந்தார். இந்த வழக்கு தொடர்ப்பட்டதையடுத்து அதிமுக வில் இருந்து நீக்கப்பட்டார்.


Post a Comment

Comments disabled, Please use Facebook comment box

Note: only a member of this blog may post a comment.

 
Copyright © 2014 சற்றுமுன் செய்திகள்
Powered by:Purple Rain Media