BREAKING NEWS

Ads

உலகம்

Monday, 29 September 2014

நமது முதல்வர் அரசியலில் கடந்து வந்த பாதையை பார்ப்போம்




தமிழகத்தின் புதிய முதல்வராக பன்னீர்செல்வம் இன்று பதவியேற்று கொண்டார்.இவர் 2 வது முறையாக தமிழகத்தின் முதல்வராகியுள்ளார்.இதற்கு முன் அவரது அரசியல் வாழ்க்கை எப்படி இருந்தது என்று பார்ப்போம்.

* இவர் 1951 ஆம் ஆண்டு ஜனவரி 14 ஆம் தேதி தேனி மாவட்டம் பெரியகுளத்தில் பிறந்தார்.

* தனது 31 வது வயதில் அரசியலில் அடியெடுத்து வைத்தார். ஆரம்ப காலத்தில் எம்.ஜி.ஆர் இளைஞரணி துணை செயலாளர், இணை செயலாளர், செயலாளர் உள்ளிட்ட பதவிகளை வகித்துள்ளார்.

* இவர்  1996 ஆம் ஆண்டு நடைபெற்ற உள்ளாட்சி மன்றத் தேர்தலில் பெரியகுளம் நகர் மன்றத் தலைவராக தேர்வு செய்யப்பட்டு 2001 ஆம் ஆண்டு வரை அந்த பதவியில் இருந்தார்.

* 2001 ஆம் ஆண்டு நடைபெற்ற சட்டமன்ற தேர்தலில் பெரியகுளம் தொகுதியில் போட்டியிட்டு முதன்முறையாக சட்டமன்ற உறுப்பினர் ஆனார்.

* அப்போதே வருவாய் துறை அமைச்சராகவும் பதவியேற்று  கொண்டார்.

* ஜெயலலிதா மீது டான்சி வழக்கில் குற்றம் சாட்டப்பட்டு இருந்ததால் அவர் தனது முதல்வர் பதவியை இழந்தார். அதனால் முதல்வர் பதவி பன்னீர்செல்வத்தின் கைகளுக்கு சென்றது.

* 2001 செப்டம்பர் முதல் மார்ச் 2002 ஆம் ஆண்டு வரை தமிழகத்தின் முதல்வராக இருந்தார்.

* அதன் பிறகு ஜெயலலிதா முதல்வரானதால், இவர் பொதுபணித்துறை அமைச்சராக பதவியேற்று கொண்டார்.

* 2006 ஆம் ஆண்டு சட்டமன்ற தேர்தலில்  மீண்டும் பெரியகுளம் தொகுதியில் போட்டியிட்டு வெற்றி பெற்றார். அந்த காலத்தில் சட்டமன்ற எதிர்கட்சி தலைவராக இருந்தார்.

* 2011 ஆம் ஆண்டு சட்டமன்ற தேர்தலில் போடினாயக்கனூர் தொகுதியில் போட்டியிட்டு வெற்றி பெற்றார். அப்போது நிதித்துறை மற்றும் பொதுப்பணித்துறை அமைச்சராக பதவியேற்று கொண்டார்.

* சொத்து குவிப்பு வழக்கில் ஜெயலலிதா முதல்வர் பதவியை இழந்ததால், இன்று தமிழகத்தின் முதல்வராக மீண்டும் பதவியேற்று கொண்டார்.


Post a Comment

Comments disabled, Please use Facebook comment box

Note: only a member of this blog may post a comment.

 
Copyright © 2014 சற்றுமுன் செய்திகள்
Powered by:Purple Rain Media