BREAKING NEWS

Ads

உலகம்

Friday, 19 September 2014

ஸ்காட்லாந்தில் விறுவிறுப்பான வாக்குப் பதிவு

பிரிட்டனிலிருந்து பிரிந்து ஸ்காட்லாந்து முற்றிலும் சுதந்திர நாடாகச் செயல்படுவது தொடர்பான வாக்கெடுப்பு வியாழக்கிழமை விறுவிறுப்பாக நடைபெற்றது. உள்ளூர் நேரப்படி காலை 7 மணிக்கு வாக்குப் பதிவு தொடங்கியது. இரவு 9 மணிக்கு வாக்குப் பதிவு நிறைவு பெற்றது. வெள்ளிக்கிழமை வாக்கு எண்ணிக்கை நடைபெறுகிறது.

"ஸ்காட்லாந்து சுதந்திர நாடாக வேண்டுமா?' என்ற கேள்வியுடன் ஆம், இல்லை என இரு கட்டங்கள் தரப்பட்ட வாக்குச் சீட்டில் பேனாவால் குறியிட்டு வாக்களிக்க வேண்டும். ஸ்காட்லாந்து, 1603-ஆம் ஆண்டு பிரிட்டிஷ் முடியாட்சியின் கீழ் வந்தது. 1707-ஆம் ஆண்டு இங்கிலாந்துடன் ஏற்பட்ட உடன்படிக்கையின் கீழ், பிரிட்டனின் ஒரு பகுதியான பிறகு, ஸ்காட்லாந்து நாடாளுமன்றம் முடிவுக்கு வந்தது.

1997-ஆம் ஆண்டு நடத்தபட்ட வாக்கெடுப்பைத் தொடர்ந்து, ஸ்காட்லாந்தில் மீண்டும் நாடாளுமன்றம் அமைக்கப்பட்டது. இந்நிலையில், 2011-ஆம் ஆண்டு நடைபெற்ற பொதுத் தேர்தலில், தனி நாடு கோரிக்கையை வலியுறுத்திய ஸ்காட்லாந்து தேசிய கட்சி ஆட்சியைப் பிடித்தது. இதையடுத்து, பிரிட்டனிலிருந்து முற்றிலும் சுதந்திரம் பெற்ற தனி நாடாக வேண்டுமா என்பதற்கான வாக்கெடுப்பு நடத்த முடிவு செய்யப்பட்டது.


Post a Comment

Comments disabled, Please use Facebook comment box

Note: only a member of this blog may post a comment.

 
Copyright © 2014 சற்றுமுன் செய்திகள்
Powered by:Purple Rain Media