BREAKING NEWS

Ads

உலகம்

Wednesday, 1 October 2014

ஒன்சைட்டாக தீர்ப்பு அளித்த நடுவர் ; மேடையில் கதறி அழுது பதக்கத்தை பெற மறுத்த இந்திய வீராங்கனை !!



ஆசிய விளையாட்டுப் போட்டிகள் தென் கொரியாவின் இன்சியான் நகரில் நடந்து வருகிறது . மகளிர் 60  கிலோவிற்கான எடைப்பிரிவு குத்துச் சண்டைப் போட்டியில் இந்தியாவின் சரிதா தேவி மற்றும் ஜினா பார்க் மோதினார் . ஆரம்பம் முதலே ஆதிக்கம் செலுத்தி வந்த சரிதா தான் போட்டியில் வெற்றி பெறுவது உறுதி என நம்பிக்கையாக இருந்தார் . ஆனால் இறுதியில் நடுவர் தீர்ப்பு அளிக்கும் நேரத்தில் அனைவரும் எதிர்பாரா விதமாக ஜினா வெற்றி பெற்றதாக அறிவித்தார் .

இதனை தாங்கிக் கொள்ள முடியாத அவர் மேடையில் பரிசளிக்கும் போது மனமுடைந்து கதறி அழுதார் . துயரம் தாங்க முடியாத அவர் அழுதபடியே தன்னுடைய பதக்கத்தை தென் கொரிய வீராங்கனையிடம் கொடுத்து விட்டார் . முன்னாள் ஆசிய மற்றும் உலக சாம்பியனான சரிதா தேவி மன வருத்தத்துடன் பரிசளிப்பு விழாவில் இருந்து வெளியேறினார் .

இந்த போட்டியில் சரிதாவின் திறமைக்கு முன்னால் ஜினாவால் ஒன்றும் செய்ய இயலவில்லை . ரசிகர்களும் அவருக்கு ஆதரவாக குரல் கொடுத்தனர் . அவர் வெற்றி பெற்று விட்டதாகவே அனைவரும் கருதினர் . ஆனால் அவர் தோல்வி அடைந்ததாக நடுவர் அறிவித்தவுடன் அவரது கணவர் கோவத்துடன் சண்டை போட தொடங்கிவிட்டார் . இந்திய நிர்வாகமும் இது குறித்து மேல் முறையீடு செய்தனர் . ஆனால் நடுவர் தீர்ப்பை மாற்ற முடியாது என அறிவித்து விட்டனர் .

மனவருத்தத்தில் சரிதா கூறுகையில் , " இது தான் தீர்ப்பு என்றால் எங்களை ஏன் விளையாட விட்டுருக்க வேண்டாம் ?? " என்று ஆதங்கத்துடன் கூறினார் .


Post a Comment

Comments disabled, Please use Facebook comment box

Note: only a member of this blog may post a comment.

 
Copyright © 2014 சற்றுமுன் செய்திகள்
Powered by:Purple Rain Media